Якушкино мәктәбе укучысы “Илһам” (“Вдохновение”) Бөтенроссиякүләм яшь язучылар һәм шагыйрьләр конкурсында җиңү яулады

2024 елның 30 апреле, сишәмбе

2024 елның 24 апрелендә Казан федераль университетының Филология һәм мәдәниятара коммуникацияләр институтында "Илһам" (“Вдохновение”) Бөтенроссиякүләм яшь шагыйрьләр һәм язучылар конкурсында җиңүчеләрне һәм призерларны бүләкләү тантанасы узды.

Быел Конкурс «Шигърият», «Проза», «Драматургия» һәм «Журналистика» номинацияләрендә узды. Конкурсның беренче этабында Татарстан һәм Россия төбәкләреннән 600дән артык укучы катнашты. 300 катнашучының эшләре икенче турга үтә. Бүләкләү тантанасына Татарстан Республикасы башкаласына 44 укучы чакырылган иде, алар арасында Якушкино урта мәктәбенең 11 сыйныф укучысы Айсылу Хәмидуллина да бар иде. Конкурста ул туган тел һәм әдәбият укытучысы Гөлфия Гайнуллина җитәкчелегендә катнашкан.