Нурлат тәрбиячеләре һәм балалар бакчаларына йөрүче нәниләр “Тылсымлы куллар” республика иҗат бәйгесендә призлы урыннар яуладылар

С.Гассар исемендәге мәдәният сараенда “Тылсымлы куллар” республика иҗат бәйгесендә катнашучыларны бүләкләү тантанасы булды. Өченче мәртәбә шундый исемдәге журнал үз язылучыларына яшерен сәләтләрен ачарга, балаларның әйләнә-тирәгә карашын киңәйтергә һәм милли мәдәнияткә кызыксынуларын формалаштыруга ярдәм итә. 

Конкурсны 7 нче “Алтын балык” балалар бакчасы “Тылсымлы куллар” журналының баш редакторы Ландыш Фәйзуллина йогынтысында оештырды. 
Агымдагы елда Менделеевск, Казан, Яр Чаллы, Алабуга, Әгерҗе, Мамадыш, Нурлат, Чистай, Минзәлә, Кукмара һәм Лениногорскидан 180 бала һәм өлкәннәр катнашты. Нурлат районыннан чарала “Светлячок» , «Буратино», Түбән Нурлат микрорайоны, “Шатлык» балалар бакчасы, Бала үсеше үзәгеннән балалар һәм тәрбиячеләр катнашты. Җиңүчеләрне биш номинациядә бүләкләделәр: “Тылсымлы остаханә”, “Тәмле булсын”, “Илһам чишмәсе”, “Тапкырлар аланы” һәм “Яхшылык җирдә ятмый”.