Андреевка авылында яшәүче Елизавета Александровна Иванова 95 яшьлек юбилеен билгеләп үтте
Аны туган көне белән Нурлат районы Башлыгы урынбасары Линар Маняпов котлады.
Кичә Андреевка авылында яшәүче Елизавета Александровна Иванова үзенең 95 яшьлек юбилеен билгеләп үтте.
Елизавета Александровна Татарстан АССРның Октябрь районы Андреевка авылында күп балалы колхозчылар гаиләсендә туып үсә.
12 яшеннән колхозда төрле эшләрдә эшли башлый. Җәй көне чөгендердә, печән чабуда, көз көне ашлык җыюда, чөгендердә. Кыш көне кырдан салам ташыган.
Елизавета Александровна - тыл хезмәтчәне. Ул Бөек Ватан сугышының авыр сынауларын намус белән узган. Гомуми җиңүгә үз өлешен керткән. "Бөек Ватан сугышы чорындагы фидакарь хезмәте өчен" медале белән бүләкләнгән.
Хәзерге вакытта Елизавета Александровна Андреевкада улы һәм килене белән яши. Бу бик мөһим һәм әһәмиятле көнне юбилярны котларга оныклары Һәм оныкчыклары килде.
Елизавета Александровнага Бөек Ватан сугышы елларындагы батырлыклары өчен рәхмәт сүзләрен Нурлат районы Башлыгы Дамир Ишкинеев исеменнән аның урынбасары Линар Маняпов тапшырды. Ул шулай ук Россия Президенты Владимир Путин, Республика Раисы Рөстәм Миңнеханов исеменнән котлаулар тапшырды.
"Һәркемнең дә шундый олы яшьтә булырга ихтирам чоры. Елизавета Александровнаны юбилее белән котлыйбыз! Туганнар һәм якыннарыгызның рух күтәренкелеген, яратуын һәм игътибарын телибез!- дип билгеләп үтте Андреевка авыл җирлеге башлыгы Надежда Егорова.