Нурлат Мәдәният сараенда янгын сүндерүчеләрне хөрмәтләделәр
Янгын сүндерүчеләрнең эше җиңел түгел, аларның җилкәсендә башка кешеләрнең тормышы өчен җаваплылык йөге ята. Янгын сүндерү хезмәтенә җаваплы һәм кыю кешеләр килә, алар авыр минутларда дөрес чишелеш табарга әзер, кайвакыт үз сәламәтлекләрен һәм тормышларын куркыныч астына куялар. Бу турыда чара башында күрсәтелгән презентация сөйләде, бу Нурлат районы Башлыгы урынбасары Линар Маняпов, Башкарма комитет җитәкчесенең беренче урынбасары Радик Гыйниятуллин, 125нче янгын сүндерү-коткару бүлеге начальнигы урынбасары Инсаф Хәйруллин чыгышында һәм котлауларда яңгырады.
Күпьеллык намуслы хезмәте, үз вазыйфаи бурычларын үрнәк итеп үтәве, янгын сүндерү вакытында күрсәткән югары һөнәри әзерлек күрсәткечләре һәм фидакарьлеге өчен районның иң яхшы янгын сүндерү бүлеге хезмәткәрләрен Нурлат һәм Нурлат районы Башлыгының Мактау грамоталары һәм Нурлат муниципаль районы Башкарма комитеты җитәкчесенең Мактау грамоталары белән билгеләп үттеләр.
Кунаклар хөрмәтенә залда районның иң яхшы үзешчән артистлары башкаруында җырлар яңгырады