Нурлатта "Җиңү диктанты-2024"не махсус хәрби операциядә катнашучылар да язды
Җиңү диктанты быел алтынчы тапкыр «Бердәм Россия» партиясе эгидасы астында узды.
«Җиңү диктанты-2024» тест биремнәренең төп темасы Ленинградны тулысынча азат итүнең 80 еллыгы һәм Кызыл Армия гаскәрләренең СССР чикләренә узуына багышлана. Тестка фронтовик язучыларның юбилейларына һәм башка истәлекле вакыйгаларга багышланган сораулар да кертелгән.
Шәһәрнең 1 һәм 3нче мәктәпләрендә, аграр техникумда оештырылган 3 мәйданчыкта офлайн режимында аны 100 дән артык нурлатлы язды. Район педагоглары һәм урта һәм өлкән звено укучылары Халыкара акциягә онлайн режимда кушылды.
Шәһәрнең 3нче мәктәбендә диктантта катнашучылар белән бергә Матрос һәм Патриот чакырулы хәрбиләр дә барысы белән беррәттән парталар артына утырды.
Мин бу мәктәптә укыдым, шуңа күрә диктантка килергә чакыруны шатланып кабул иттем. Минем өчен, махсус операция көрәшчесе буларак, бу чара бик мөһим. Бүген монда сугышчан дустым белән килдем", - дип уртаклашты Патриот.
Нурлат муниципаль районы Башлыгы Дамир Ишкинеев та сугышчылар белән бергә «Җиңү диктанты»н язды.
"Тарихны истә тотарга кирәк, тарихны белергә кирәк. Бөек Ватан сугышы кешелек тарихында иң канкойгыч сугыш булды, безнең бурычыбыз – халкыбыз батырлыгын истә тоту, геройлар истәлеген хөрмәт итү. Һәм бүгенге акция-Бөек Җиңү солдатларын искә алу", - диде Дамир Азатович, чарада катнашучыларга мөрәҗәгать итеп.