Шәһәр Мәдәният сараенда социаль юнәлештәге хезмәт коллективлары җыелышы булды
Бүген шәһәр мәдәният сараеның кече залында хезмәт коллективлары җыелышы булды.
Биредә ТР Хезмәт, халыкны эш белән тәэмин итү һәм социаль яклау министрлыгының Нурлат муниципаль районындагы социаль яклау бүлеге, "Гармония" халыкны социаль тәэмин итү үзәге ДБУ, Нурлат өлкәннәр һәм инвалидлар өчен интернат йорт, Нурлат шәһәренең хезмәт һәм мәшгульлек үзәге, Нурлат муниципаль районындагы ТР буенча Пенсия фонды идарәсе коллективлары катнашты.
Җыелыш Нурлат муниципаль районы Башкарма комитеты җитәкчесе урынбасары Оксана Терентьева һәм Нурлат шәһәре прокуратурасы Сәйяр Зыятдинов катнашында узды.
2022 ел нәтиҗәләре буенча чыгыш белән Нурлат шәһәрендә РФ ПФ җитәкчесе Рушания Шакирова һәм Нурлат муниципаль районында социаль яклау бүлеге җитәкчесе Елена Афанасьева чыгыш ясады. Узган елга йомгак ясалды, шулай ук 2023 елга бурычлар билгеләнде.
Шәһәр прокуроры интернет платформалар һәм мобиль элемтә аша мошенниклык очракларының күбәюенә игътибарны юнәлтте, уяу булырга һәм мошенникларның ятьмәләренә эләкмәскә өндәде.