Нурлатта «Сабантуй сылуы-2021» җиңүчесен билгеләделәр
Бу исемгә Нурлат аграр техникумыннан Айсылу Гыймранова лаек булды.
Матур традиция буенча Нурлатта милли бәйрәмдә «Сабантуй сылуы-2021» конкурсы финалы узды. Ярымфинал сайлап алуын узган Нурлатның иң матур 10 татар кызы Сабан туе сылуы исеменә дәгъва кыла. Сәхнәдә алар милли киемнәрдә дефиле күрсәттеләр, сәхнә осталыкларын, аш-су осталыкларын күрсәттеләр. Әлбәттә, туган телне дә, татар мәдәниятен дә белүләре бәяләнде. Нәтиҗәдә, Нурлат аграр техникумы студенты Айсылу Гыймранова "Сабан туе сылуы-2021" титулына ия булды. Ул конкурска техникумдагы укытучысы, 2019 елда матурлык конкурсында җиңүче Айгөл Вилданова җитәкчелегендә әзерләнгән. Айсылу Гыймрановага, шулай ук конкурста катнашучыларның барысына да кыйммәтле бүләкләр, төрле номинацияләрдә җиңүчеләр дипломнары тапшырылды. Җиңүче шулай ук «Прогресс-В» компанияләр төркеме президенты Россия Федерациясенең атказанган төзүчесе Вазыйх Мөхәммәтшинның (Самара шәһәре) шәхси бүләгенә дә лаек булды. «Сабантуй сылуы-2021» конкурсы ел саен Бөтендөнья татар конгрессының Нурлат бүлеге, «Ак калфак» җирле оешмасы, район Башкарма комитеты һәм Мәдәният үсеше үзәге белән берлектә уздырыла.